რა უნდა გითხრა, დაიაურო?!

რა უნდა გითხრა, დაიაურო?! -
ქვაზე უფრო მძიმეა ცრემლი
და ნატყვიარი ნიამორის ფერი აქვს არღუნს.
დიაც ყოფილა, -
მოისინჯა ამდენი კაბა,
ვიწრო და თალხი,
ღრიალებს ახლა და მაღალ მთებს
ცვრიან შუბლს ახლის.
დამუნჯდა მუცო...
რა უნდა გითხრა, დაიაურო?! -
ისედაც იცი,
ფხად მადგას ლექსი გამშრალ ყელთან...
(გზა მოჰყვა სიცილს,
ქუჩი გიხმობს,
ბულბული გალობს...)
რა გითხრა, ძმაო,
მთები დგანან,
დგანან და დუმან,
და ქვაზე უფრო მძიმეა ცრემლი.

წყარო: urakparaki.com