ყვითელი თოვლი

უჟმური დღეა, -
უმარილოს ეტყვიან ჩვენში.
თეთრი კალთები დაიბერტყეს ლეგა ღრუბლებმა.
თოვს და გიხსენებ...
გუშინ -
ცხვირწინ რომ მიუხურე კარი სიცივეს,
თხელ თითებს მოსწყდა ლექსი - მინიმა
და დაეწია ლიხის ქედთან
ჟონგლიორ ქარებს.

უჟმური დღეა, -
უმარილოს ეტყვიან ჩვენში.

გაყვითლდა თოვლი, -
დილაადრიან დაუყრიათ გზებზე მარილი.

წყარო: urakparaki.com

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი