მოდი, გავბედოთ

მოდი გავბედოთ, -
კიდევ ერთხელ გავიმეოროთ,
ჩვენი სულები გამოვიხმოთ სამალავიდან,
ყალბი ღიმილი ჩამოვაძროთ ფერად ირისებს...
მოდი გავბედოთ, -
ერთმანეთს შეთხელებული დღეები დავუვარცხნოთ
და ვიგრძნოთ,
როგორ მელოტდება წელიწადები
გველის და ძაღლის...
ხარის და ვირთხის...
და ყველაფერი შემოდგომის მზეში ბრუნდება
ჩვენი თითების მოცახცახე ორნამენტებად.
მოდი, გავბედოთ...

წყარო: urakparaki.com

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი