აქაც და იქაც საქართველოა
ციკლიდან: ბავშვობაში დაწერილი ლექსები აქ ვიღაც თვრება და არ იკლებს ქალაქის პრესტიჟულ რესტორნებს. აქ, სადღაც, ქართველი მღერის და იქ, სადღაც, სხვა ქართველს ესროლეს. ზოგისთვის - მწვანეა ჯერ კიდევ, ზოგისთვის - გაწითლდა მინდორი, სადღაც, აქ, ქართველს აქვს ლხინი და, სადღაც, იქ, სხვა ქართველს - დიდგორი. იქ ზოგი სამშობლოს იცავს და აქ ზოგი კუჭს და მტერს ახარებს, მეუღლე ზოგის - შავს იცვამს და ზოგის კიდევ, - იცვლის საყვარლებს. იქ ზოგი თავის ვალს იხდის და ზოგი კი - სულელ თავს არიდებს, ზოგი შვილს უმღერის “ნანას” და ზოგიც - ლუ მინალით აძინებს. სადღაც, აქ, დრო გაჰყავთ უსაქმურთ, სადღაც კი - ტყვიის წინ დგებიან... სადღაც, აქ, კვდებიან შიდსით და სადღაც, იქ, გმირულად კვდებიან. ეს საქართველოა სხვადასხვა! ზრდის ერთად მლიქვნელს და პატრიოტს, თუმც სადღაც დაშვებულ შეცდომებს ცხოვრება არავის პატიობს.
© POETRY.GE 2013 - 2024
@ კონტაქტი
0 კომენტარი