აი, კიდევ დღე ..

აი, კიდევ დღე, რომელშიც არაფერი მოხდება.
თითქოს მშიერი ნასუფრალთან დაგსვეს
და ეხლა ეძებ,
იქნებ, რომელიმე ძვალს ხორცი შერჩა,
სუფრას ნამცხვრის ნამცეცები,
ან სულაც რამე მთელი გადაურჩათ,
მლაშე იყო და დაიწუნეს,
სხვებს არ უყვარდათ.
როგორც მერცხალი,
ტალახს, ბეწვს, ღეროს რომ აგროვებს
და ბუდეს იგებს,
შენც ყველაფერს გამოიყენებ.
უგემურ დღეს დატკბობა უნდა,
უნდა იშრომო.