0 454

ცა იღრუბლება, მოდის...


ცა იღრუბლება, მოდის ავდარი,
მე დამაქვს სევდა ჩვენი პლანეტის.
ასე გავიდა მთელი ზამთარი,
ასე შეგვძულდა ჩვენ ერთმანეთი.

ახლა ფოთლების გუნდი შრიალებს
და წვიმას უნდა ცრემლი დანამოს.
მე დღეს იმდენი ვიხეტიალე,
უკვე დაღლილი ვხვდები საღამოს.

ახლა იქ მიდის ლამაზი ქალი,
სადაც გაისმის ზარების გლოვა.
ჰა, საღამოა და ჩემი თვალი
უფრო მწუხარე და უძილოა.
კომენტარები (0)