ფოთლების მიჰყვება გაფითრება ..

ფოთლების მიჰყვება გაფითრება
ოცნების იჭვიან მონახაზს,
აწი
მერცხალიც
გაფრინდება,
უფრო თბილ ცხოვრებას მონახავს.
გაჰყვება ოცნების პანაშვიდებს
ზღაპარი
დამსხვრეულ ზღუდეების...
აწი
სიკვდილივით
დამამშვიდებს
სიმშვიდე ცარიელ ბუდეების;
...მერცხლებს უნუგეშოდ ეცისფრებათ
ხსოვნის
გაცრეცილი აკვარელი...
...მე კი
ბუდეები მესიზმრება
სხვენზე შემოდებულ აკვანივით...