გაივლის დრო და ..
გაივლის დრო და... თაობები შეიცვლებიან, დაილექება დასალექი ოქრო და რკინა... ა, იმ ქედებზე პაპიჩემის პაპის ძვლებია, და ბერ თევდორეს ხავსმოდებულ საყდარში სძინავს... გადაწინწკლულან ყაყაჩოთი ქართლის ველები, თურქთა ჯარივით ჩამომდგარა თრიალეთს სიცხე, ჩაუყვანიათ ნოსტელ ბიჭებს წყალზე ცხენები, გააგელვებენ, მერე რაშებს რკონისკენ ფიცხელ... ა, იმ ქედებზე, პაპიჩემის პაპის ძვლებია, ქარმა ნისლები საფლავებთან მიაფარფატა... გაივლის დრო და... ეგ ბიჭებიც დაიზრდებიან, კაცმა არ იცის, ვინ იქნება მათში პაატა...
წყარო: litklubi.ge
შეგიძლიათ გააზიაროთ მასალა, თუ მიუთითებთ ავტორს.
0 კომენტარი