ვიცი

ვიცი: დამღუპავ დაღუპვით ქალის,
მაინც შენს მაცდურ ღიმილს ვენდობი:
ის ერთადერთი ღიმილი არის -
მტანჯველი თავის ერტადერთობით!

შენი თვალებით უგრძნობლად დამთვრალს,
შენივ ღალატი გამომაფხიზლებს!..
ვიცი: მიმიყვან სიკვდილის კართან,
მერე სიკვდილსაც აღარ მარისებს!..

ვიცი: ამიბნევ ცხოვრების გზა-კვალს,
გავიიმედებ მაინც მაგ თვალებს!
იგი ამქვეყნად სხვა თვალებს არ ჰგავს,
სხვასაც ჩემსავით არვის აწვალებს!..

ღმერთმა შეგინდოს შენ უღმერთობა,
რომ ჩემი ბედით ასე ერთობი!
მე ტანჯავს შენი ერთადერთობა
და ვცოცხლობ შენი ერთადერთობით!

წყარო: litklubi.ge

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი