დღესაც მე ის დავინახე

დღესაც მე ის დავინახე
ვერაფერი ვუთხარი,
მის თვალს თვალი გავუსწორე
კოსმოსური სიჩქარით,
მერე გვერდით ჩავუქროლე
ჩემი ავტო გაფრინდა,
მაგრამ ვფიქრობ სად მივრბივარ
ვხვდები წასვლა არ მინდა,
ვიცი, რომ ვერაფერს ვეტყვი,
მხოლოდ მინდა ვუყურო,
ან, ვერ ხვდება, ან არ უნდა,
ან, ძალზეა უგულო,
ვთქვი გულიდან ამოვიგდო
არაფერი გამოვა,
მზეც ღრუბლებში მიიმალა
თითქოს აღარ ამოვა,
პატარა ჟუჟუნა წვიმამ
ნამთ მოხვია ვარდები,
მე ძლიერი თქეში მინდა
ჩამირეცხოს დარდები,
ვბრძოლობ, მინდა დაგივიწყო
მით უფრო მიყვარდები,
როგორ მინდა, შენთან მოსვლა
რომ, მოგართვა ვარდები.