პაპიროსი და რელსის წივილი

სასიხარულოდ,ბედის ძებნაში
აღმოაჩინეთ ქრესტომათია,
გალაკტიონის ლურჯი წიგნები
ანგელოზების ხელით ხატია.

ნიჩაბია საჭირო მხოლოდ,რომ
შეიმეცნო ტრფობის სიურჩე
და განდიდების მთავარი ძალა
მხოლოდ და მხოლოდ არის სიჩუმე.

თითო ბოთლით სველი ლექსები
სიზმრის იალქნებს შეუწოვია
და პოეტის გულს ხის ძირის მეტი
განსასვენები ვერ უპოვია.

ღამე დაღვრილი გულის მელანი,
უსისხლოდ კვდომა და თან ღიმილი,
ღვთიურ სიმშვიდის მპოვნელი კაცი
პაპიროსი და რელსის წივილი.