ქალაქიდან რაჭისკენ...

ესეც რაჭა -ნაქერალას იქით,
დაბინდული -შარაულას ბზით,
ხტის კალმახი მეწამული -წინწკლით,
"კამიშებში" იხვნისკარტა ზის.

აქეთ- ია,იქეთ-იის კონა,
აქ, წყაროა მოჩუხჩუხე მთის,
ოქროს მძივი ვარდებს ჩაეკონა,
ხიდან-ხეზე ჩიტბატონა ხტის,

მეგებება მწყობრი რიგი ხეთა,
მოგონებებს რიბი-რაბოდ შლის-
საბულთვეში ულაყების ხედვნა,
ჯაგნარებში ნავარდობა შვლის.

ღრუბელს ელვა დასცემია ლახვრად..
ჩიტი გალობს, აქა-იქა წვიმს .
რა კარგია საქართველოს ნახვა,
საქართველო-ვაზისა და მზის.


იგორი