ახალ დაქორწინებულ აბუთიძეებს (იუმორესკა)

ამძუვნებულხართ აბუთიძენი,
ეს რა ცხელება ჯანში იგრძენით,
აგიწონიათ ჟამთა სიგრძენი,
ასე ერთბაშათ გახდით სიძენი:

1

პირველი ნოდომ გაწყვიტა ნავსი,
გადააცალა სიბერეს ხავსი,
ქალს მოეკიდა ქონებით გავსილს,
ნელი ცხოვრების იცეკვა ვალსი.

ქალი შეირთო სახელად-მზია,
მეტი რომ არ ვთქვა - ანგელოზია,
მზგავსად ლამაზი ცისკარზე-მზეა,
ზედ მეფურ ცერზე მიმინო ზია,

2

იგორი გარბის აქვე უყეში,
ბორუა თავი გაჰყო უღელში,
გამოარჩია კნაჭა მსუქნებში,
აწი მოუწევს თოხნა უყებში,

თავი ახსენა ტრფობის ხანამა,
მით ნორჩი გული დასჭრა დანამა,
ქალი შეირთო ,ქალი მანანა-
ბიბილაშვილებს მწარედ ანანა.

3
 
როგორც შიშველი ფეხი წინდაში-
ესიკო გარბის ნიკორწმინდაში,
ფული ჩათვალა ხელის ციდაში,
გამოათენა "მინდა-მინდაში"

ფურცხვანიძეებს მოსტაცა მზია,
ვით მგალობელი-სირინოზია,
ენით ვერ ვიტყვი რა - სინაზეა
როგორც ხოხობი გაფრენაზეა.

4

თემო დარბოდა გარე ველ-ველში,
ბოლოს და ბოლოს მოხვდა ველევში,
აუჩუხჩუხდა სისხლი ვენებში,
გააჟრიალა ფეხის  წვერებში,

ითხოვა ქალი სახელად ნანა,
ტურფა და ლალი კოკობისთანა,
მეწველი ფური აქლემის-ტანა,
გამოაყოლეს მზითევში თანა.

5

ზურიამ მყისვე მიჰბაძა ესოს,
ნიკორწმინდაში უჩქარებს ფეხსო,
არ დაუწყია -ისა და ესო
(ზამთარია და შემცივდა დღესო)

ერთი თქვა ხერხი მიყვარს მელისო,
წაცუნცულება ნელის-ნელისო,
რაკი აქვს ჯიში გოგოს ელისოს,
აუცილებლად ტყუპი მელისო.
აბუთიძე ვარ ასე მშვენისო."

6

სხვის ქორწილებში განრისხდა დათო,
მაქსიმალური სიჩქარე ჩართო,
რა ბრძანებაა - ნორჩები ვართო,
ხატი და რჯული არა ვართ მარტო,

ითხოვა ქალი,კოხტა ნათია,
რაც მოხდა მოხდა...სახლი ფართეა,
ღირდა რაც დათომ ღამე ათია,
ნათიას ხატთან სანთლად ანთია.

..........................................................

ეჰ,დედოფალნო,დია კარგია!
აბუთიძეებს თუ გვივარგნია,
მართალი სიტყვა ჩემი-ჩანგია,
მთაში მყვირალი ირმის - ჰანგია,
ვამრავლოთ გვარი,ჩამოვდგათ ტაბლა,
ბოროტი თვალი ვანარცხოთ დაბლა,
ფუი, ეშმაკს და შორს იყოს დაღლა,
დაე ,ვიაროთ  მაღლა  და  მაღლა.