0 91

სამი ტყუილი


ხელმწიფის კარგი ქალი ვარ
ვინც სამ ტყუილს მეტყვის
იმას მივთხოვდები
ათასობით კაცს მოვჭერ თავი -
ვერ მომატყუეს.
მოვა მეძროხე ბიჭი, იტყვის:
დედამ საჭმელი შედგა
მარილი აკლდა
მარილზე აღზევანს გავიქეც
მოვიტანე და მივირთვითო;
მოვა მეორე დღესაც:
ზღვის პირას ბინა მედგა
ჩემი ნათესი გოგრა
გაღმა გავიდა
გამოვიტანე, მოვხარშე და
გეახელიო;
(ვეზირებს მოისყიდიან - 
მეძროხის ნათქვამზე იძახეთ
მართალიაო).
მოვა მესამედ,
გამთენიისას ქვევრს მოაგორებს.
ასეთი სამი ქვევრი
ოქროთი სავსე
მამაჩემს ესესხე,
დიდო ხელმწიფევ,
გადამიხადეო;
მართალს ამბობსო
აყვირდებიან ვეზირები
სიცრუეა - აღმოხდება ხელმწიფეს,
მომეცი შენი ასულიო - შესცინებს მეძროხე.
ხელმწიფის კარგი ქალი ვარ
მეძროხეს ქმრად დავისვამ
გონიერია, ტანადი
გავხდი ძველ სამოსს...

მთქმელსაც და გამგონებელსაც
ღმერთი გწყალობდეთ ყველასა.
კომენტარები (0)