ალბათ ღირსი ვარ ვიტანჯებოდე ..

ალბათ ღირსი ვარ ვიტანჯებოდე
და ჯოჯოხეთის ცეცხლში ვიწვოდე,
ოღონდ თუკი დღეს მე შენ შეგცოდე,
აღარ მინდოდა ღმერთო, იცოდე!
აუგიც მითქვამს, სიცრუეც,
ბევრჯერაც ბილწი სიტყვაც წამომცდა;
რა ვქნა უფალო თუკი დავმარცხდი,
ვერ ჩავაბარე შენი გამოცდა?!
ვერ გავერიდე მე აქ სიამეს,
სულ სხვაა ჩემი თვალსაწიერი,
გიჟი ვარ, გიჟი მემთვრალე,
ამქვეყნიური და მიწიერი.
თუმცაღა ვიცი რომ ყველაფერი -
წუთიერია, ვიცი ამაო.
ოღონდ მითხარი ცოდვილი ცოდვილს -
როგორ გაგენდო მე დღეს მამაო?
რას იზამ, ვიყო თუნდაც თავხედი,
ალბათ შემინდობს ამას უფალი;
გთხოვთ მომიტევოთ, მაგრამ რაღა ვქნა -
ჩემი თავის ვარ ჭირისუფალი.
ღმერთი მიშველის თუკი უღირსად -
მე ჩია კაცსა რამე წამომცდა,
რადგან ძნელია იყო წმინდანი,
რადგან ძნელია უფლის გამოცდა...