სუსხი
ჩემი კოორდინატების ამსახველი. * * * * * * * * კრაკატაუს სიძლიერის მსგავსი გრძნობა,პასატური მიმართულებით. ქარს მიყოლილი ნაბიჯებით,მაღალი წნევის არიდან , დაბლისკენ. კომპასიც კი მხოლოდ ჩრდილოეთს მიჩვენებს. ზვავსაშიში ზონის მსგავსად. ანტიციკლონურადაც... და მაინც, ყველა გზა შენსკენ მოდის. ყველა ცენტრში შენ დგახარ. გეოგრაფიულად... არაგეოგრაფიულადაც. გულით,გონებით. ნაბიჯებით. _____________________________________________________________ პატარა,სპეტაკი ნაპერწკლით დავიწყე... იგორა ამ ' თოვლის გუნდამ' და,ბოლოს ზვავივით დამატყდი თავს. მზესაც არ ვუშვებ გულამდე.გიფრთხილდები. პატარავ ! იცი? მზეც კი არ ყოფილა არასდროს ისეთი მცხუნვარე,როგორიც ჩემი გული, როცა ჩაესვენე მასში სამუდამოდ... პატარავ ! იცი? მზეც არ ამოდის უშენოდ.ისიც ისეთი ცივია ჩემთვის,როგორიც შენი ხელები იყო ბოლოს რომ ჩაგკიდე... პატარავ ! იცი? როგორ მენატრები? ალბათ,იმაზე მეტად,ვიდრე პოლარული ღამის დროს მომენატრებოდა მზის ხილვა... პატარავ ! იცი? როგორი ლამაზი იყავი ბოლოს,მაშინაც კი როცა გული აღარ გიცემდა... პატარავ ! იცი? მე მიჭირს უშენოდ.თავს ისე ვგრძნობ,როგორც ასტრონავტი კოსმოსში ჟანგბადის ბალონის გარეშე. პატარავ ! იცი? რა საშინელი დასანახი იყო ის ხის ყუთი,რომელშიც ბოლოს გეძინა.გეფიცები,მარტო ერთხელ შევხედე.მეტჯერ ვერ გავუძელი. პატარავ ! იცი? დღეს ფერმკრთალი ანგელოზი ხარ.ფრთებს მე გაჩუქებ გპირდები.ოღონდ ისევ შემომხედე! ისევ გამიღიმე! ისევ გამათბე შენი თვალების ბრწყინვალებით! ნუ წახვალ, ნუ წახვალ გევედრები.... მჭირდები. მჭირდები. და მე მოვფრინავ შენთან.
© POETRY.GE 2013 - 2024
@ კონტაქტი
0 კომენტარი