გადაახვიე დრო!

გადაახვიე დრო,
სული არ ითხოვს მეტს.
მიწას სჭირდება ცა,
მიწას ვჭირდები მეც!

გადაახვიე დრო,
ცრემლი ანახე ვარდს.
სითბო ანახე თოვლს,
ღმერთო, აცადე დარდს.

გადაახვიე დრო,
იგრძენ მიწიდან ცა.
დროს ნუ გაიყვან შორს
თორემ მოგპარავს სხვა.

ჩემი ოცნების სახლს,
ერთი ფანჯარა აქვს,
მე მას დავარქმევ ბავშვს.
გადაახვიე დრო!

ცრემლი ანახე ვარდს.
სითბო ანახე თოვლს,
ღმერთო, აცადე დარდს.
გადაახვიე დრო!

მიხეილ ჭიჭინაძე ( მიქაელი )
2015 წ.