დიალოგი

- სად გინდა რომ ნახო სამოთხე?
- მიწაზე,
- ღმერთს რატომ ემდური?
- ვერ ვნახე, მომბეზრდა,
- რა არის ცხოვრება?
- გრიგალი ქვიშაზე,
- რა გინდა რომ იყოს?
- არ მიღირს ოცნება,
- ღამეში რა გიყვარს?
- არ მიყვარს, მაშინებს,
- და დღეზე რად ჯავრობ?
- მას რომ დროს უყოფდა,
- მთვარე რად გიზიდავს?
- ის ფიქრებს ამშვიდებს,
და ალბად არ ღირდა მისი უარყოფა,
- სიკეთე სადაა?
- ნაგავში, ურნებში,
- წერა თუ ზეპირი?
- აქ მაინც ერთია,
- რა ვერ გაგიგია?
- წამები, წუთებში,
ხშირად კი დროში ორივე ნაკლებია,
- რას ნანობ?
- არაფერს, არა აქვს მნიშვნელი,
- რას ნატრობ?
- გაქცევას მიწიდან, ხალხისგან,
- სიკვდილი გიზიდავს?
- არა, ის მიშველის,
- მას მხსნელის რას ატყობ?
- რომ წლები არ ღლიდა.
- და ზევით ვინ გელის?
- ალბად ღმერთს ვნახავდი,
- ის რომ არ არსებობს?
- არც შენ. და ნახვამდის.

selassie