რწმენა

გაუარესდა სამყარო,
ფერი იცვალა შავისკენ.
არ მსურს ფარ-ხმალი დავყარო
და მეც ცხოვრება გავრისკე.

ოპტიმისტობა არ მშვენის,
თუმცა სხივს ვუცდი არ მოსულს.
მწამს ხმას გავიგებ მაშველის,
აზრს გამიფანტავს ქაოსურს.

მაგრამ ჯერ მგონი ადრეა,
ყველაფერს დრო აქვს თავისი.
სხივი ცად მობინადრეა
და მოდის შემდგომ დაისის.

ალბათ ის უცდის სიბნელეს,
როცა ხსნის უკვე არ სჯერათ.
მაშინ ცად შუქი იელვებს
და ვიტყვი, - ვცოცხლობ ამჯერად!

27/02/2014