'' და შენ კოპწია , პატარა ''

და შენ კოპწია , პატარა 
ნამის წვეთივით წამწამზე 
ჩამოცვარული ზეცა ხარ 
გაფრთხიალება , შრიალი 

ხარ მოქროლილი ნიავი 
მყუდრო და წყნარი ღამისა , 
სევდა ხარ ჩემო პატარავ 
გამოცრილ დროთ სიამეში .. 

მიდიხარ , ქარი გაცილებს 
კრთიხარ და ცეცხლი გენთება  
შენ ხარ უმწეო , მძინარე 
მე - კოცნით გამოღვიძება 

ფარფატა კაბით , შვლის ნუკრი  
ციმციმა , ძალზედ თავნება 
უმანკო და სასურველი   
ვით ფრინველთ ტკბილხმოვანება