ბავშვი - ჰამლეტი

შენ ისე ფრენდი 
ფრთების გარეშე,
რომ თავად ღმერთი 
ნახე ქარებში.
 
წლები ითვალე,
ძველი განა შენ -
მთვარის სიმთვრალის
სუნთქვით გალეშილ
 
და გაძარცული 
მიწის მხარეში
დიდი წარსული 
ჩანდა ხვალეში.
 
შენ ისე მოკვდი
ყველას გარეშე,
სიცოცხლე მოგდევს 
სიანკარეში.
 
ფოთოლცვენობდი ბავშვი - ჰამლეტი,
თითო ფოთოლი იანგარიშე
და დაინახე ზეცის ნაფლეთი
ქუჩის ტალახის სიანგარეში.
 
შენ ისე ფრენდი 
ფრთების გარეშე,
რომ თავად ღმერთი 
ნახე ქარებში.

"მთვარის სიმთვრალე", მერანი 1996