თეთრი წიგნი

მე რომ დიდი თეთრი წიგნი წავიკითხე გუშინ,
ტყუილია, არავინ მყავს მისი ფასი დღემდე,
ვერც ვერავის იმისდარად ვერ ჩავიძვრენ სულში,
მის მომხიბლავ ლაბირინთში ვერვინ იგრძნობს ჩემდენს.

და სად ვპოვებ მე სამყაროს იმ ოცნების ბადალს,
რომ მსოფლიოვ, ვერასოდეს შენ ვერ დაიჟღერდი
ისეთ ხმაზე, როგორაც ჟღერს დაგლეჯილი ყდა და
გვერდი შვიდასოცდასამი, ნატყვიარი გვერდი.

"მთვარის სიმთვრალე", მერანი 1996