არ გაგიშვებ...

დახვეტს გრიგალი მოარულ ჭორებს,
ბოშების კარტებს დაფანტავს ცაში.,
ბრაზის მუხტები გულებს აშორებს,
ეშმაკიც ძღება ტკივილის ვახშმით.
დრაკონებიან ზღაპრებში უთქვამთ
"მზეთუნახავი ომით გაკოცებს",
მისი ტრფიალი არ არის მუქთა,
თუ კი ის გინდა, სხვები დახოცე!.
წაიყვან ნადავლს, თეთრი რაშებით,
შენი ერქმევა, ვნებით გაკოცებს..
შეგეშინდება ხელის გაშვების,
უცებ სხვის ცხენზე, რომ არ აცოცდეს.