Arrivederci

გძულვართ,რადგან მე არავის გერჩით
ვერ გიპასუხებთ რისხვაზე რისხვით,
Buona fortuna,arrivederci
წავალ და მერე რაც გინდათ ის თქვით.

ვნებდები ცრემლად ჩამოსულ წვიმას
და ამგარდაცვლილ დღეებს ვნებდები,
ჯერ არ განცდილი ტკივილი მიმაქვს
მივალ და უხმოდ მიმაქვს ვნებები.

წავალ და იქაც წავიღებ ფურცლებს
ლექსებით გამთბარ ამ უშნო სახეს,
ოთახში სადაც ტკივილებს ვუძლებ
ყულფში გაჩრილი სიმშვიდე ნახეთ.

მე დაჭრილი ვარ,დაჭრილი მკერდში
და გულის მსგავსად შევწყვიტე ფეთქვა,
Devo andare,arrivederci
ეს არის ის რაც მინდოდა მეთქვა.

დანიელ გერგედავა