წყაროზე გამიყოლე

წყაროზე გამიყოლე

წყაროზე გამიყოლე,თითქოს მოგწყურდა წყალი,
თვალები ჩემკენ, შეუშვირე
წყაროს წყალს პეშვი,
განა დალიე?წყაროს წყალით სულ დამასველე,
ვინ ვიქნებოდი, უპასუხოდ რომ გამომეშვი.

ერთი გაკოცე,მაპატიე თუ ასე მოხდა,
გადმოგვყურებდა მაღლა ღმერთი, დაბლა ელია,
მემახსოვრება ის ჩურჩული, ბიჭო რას შვრები,
თუ ქალს არ  უნდა აბა კაცი რის მკოცნელია.

შენ  შენს სახლში ხარ,.მე ჩემს სახლში ,ფიქრებით შენთან,
ვის მკლავებში ხარ,ვის გულში კი, დაიდე ბინა,
გავა წლები და იმ წყაროს წყალს რა დამავიწყებს,
რას არ მაფიქრებს ის ერთი კოცნა ჩემო ნინა.

წყაროზე გამიყოლე წყალს რომ დაბრალებოდა,
ხელი მომკიდე, მომყვებოდი ,ხელს არ მიშვებდი,
დღესაც რომ მქონდეს შენი ნახვის შესაძლებლობა,
კოცნის გარეშე მე დღესაც ვერ  გამოგიშვებდი.