ჰარალე

ჰარალე 


როგორ მინდა რომ ჭიქა ღვინოში ,
მე ჩემი თავი მთვრალმა რომ ვმართო ,
ისე არ მოვკვდე მგლების ხროვაში ,
საფლავი  მქონდეს უმისამართო .

მინდა რომ ვიყო ადამიანი ,
არა სახელად და არა გვარში ,
მინდა მეც გავცე რაც გამაჩნია 
და არავისთან არ დავრჩე   ვალში  .

როგორ მინდა რომ ჭიქა ღვინოში ,
მე ჩემი თავი მთვრალმა რომ ვიცნო ,
ერთი უბრალო ყარაჩოხელი,
არ მიმატოვოთ თუ სადმე მიცნობთ .

როგორ მინდა რომ ჭიქა ღვინოში ,
კიდევ შევძახო ჰარი ჰარალე ,
შუბლი გახურდა ვაზის ცრემლებით ,
დღევანდელი დღეც  მე  დამაბრალეთ .

მთვრალისთვის  სახლში გამცილებელი ,
ვარსკვლავებია , ჰოდა  დაღამდა ,
ჰე ! ვარსკვლავებო გზა გამინათეთ ,
წასასვლელი ვარ,   შემომაღამდა .