ნია და ზამთარი

დღეს დედოფალი იქნება,
ხვალ ალბათ - მასწავლებელი. 
მსახიობია ნიაკო,
ხანდახან კიდევ - მოდელი.

ლექსებიც ძლიერ უყვარს და
მომღერლობაზეც ოცნებობს,
ცეკვავს ქართული კაბით და
ხატვაზეც დაჰყავს დიდ ბებოს.

ისეთი პრანჭიკელაა,
პრინცესის როლიც მოირგო,
საკარნავალო გვირგვინი 
იაიებით მოირთო.

გოგონას თმაში ენძელებს
თავს დასტრიალებს პეპელა,
ნიას შემყურე ზამთარი
მიიპარება ნელ-ნელა.