უძინართა მზევ

ინგლისურიდან თარგმნა ზაალ ჯალაღონიამ

უძინართა მზევ, შენ ვარსკვლავო კაეშნიანო,
აცრემლებული სხივები, რომ გადმოგდენია.
მრუმე წყვდიადი შენს ცრემლებში ამოდ ხმიანობს
და გარდასული აქ იღვიძებს დღეთა გენია.


ეს სიხარული- მოკამკამე ნათლის მარმაში,
უკვე ვერ შველის, სამყაროა იმდენად ბნელი.
ცათა მშვენებავ, მწუხარე ხარ, არ გსურს თამაში,
და შორით ჩანხარ ასე ცივი და უგრძნობელი.