დალოცვა

ბედნიერების მწვერვალზე შემდგართ,
ანგელოზები გფარავდეთ მუდამ.
მშობელი მიწა გეცვათ ქალამნად,
სინდის-ნამუსი გეფაროთ ქუდად.

იბედნიერეთ უფლის შეწევნით,
და პატრიარქის გყავდეთ ნათლული,
მტკიცე ძლიერი ოჯახი გქონდეთ,
მამა-პაპური ნაღდი ქართული.

მუდამ გახსოვდეთ ფესვები თქვენი,
რომ არის მტკიცე მხნე და ამაყი,
არ დაგავიწყდეთ ვისი გორის ხართ,
მუდამ გახსოვდეთ მათი ამაგი.