თეთრ-შავი ლექსი

ბავშვებივით, თამაშობენ ომობანას ტირანები -
აინები-მაინები, ტყვიები და ხელკეტები.
გამაფრთხილებელი ხმები, შიშით სავსე ქალაქები.
ცრემლსადენი აირებით, დარბეული მოედნები.

წუწაობის სეზონია - გახსნილია წყლის ჭავლები,
"ნეტავ ამათ, რა ჰგონიათ - შაქარივით თუ დავდნებით?!"
იყიდება საქართველო:  ლეგენდებით და ზღაპრებით;
მთებით,ზღვებით. ყიდის ყველა : უცხოელი და ქართველი.

კურთხეულია დღეს, ის რაც უკეთესად იყიდება,
სავაჭრო ცენტრის დახლი დგას, ეკლესიაში კიდესთან,
სულს წირავს ღარიბი,მამაო მის ხარჯზე მდიდრდება.
ცეცხლი მოიკიდეს, ჯვარებზე გაკრულმა ფასის ნიშნებმა.