გაიქეცი
გაიქეცი მიატოვე კურული და კორიდა გაიქეცი სახლიდან და გაიქეცი სკოლიდან გაიქეცი იდუმალ და გაიქეცი საქვეყნოდ გაიქეცი ეგ სიკერპე ნუ გგონია საკვეხნო გაიქეცი დიდი ნგრევა მოდის ჩრდილოეთიდან გაიქეცი ეგვიპტიდან გაიქეცი მცხეთიდან გაიქეცი დაგრჩეს საქმე გასაიმასქნებელი გაიქეცი როგორც გარბის ღირსი პავლე თებელი გაიქეცი არას გარგებს დაყუდება სამანთან გაიქეცი მიატოვე ლაურა და სამანტა გაიქეცი ხმელეთით და გაიქეცი ზღვებითა გაიქეცი თბილისიდან მექიდან და თებედან გაიქეცი მიატოვე კრებები და ყაყანი გაიქეცი შეატოვე ჯალაბობას მკა ყანის გაიქეცი ხაროდან და გაიქეცი ხარომდე გაიქეცი გირჩევნია გაიქცე და ხარობდე გაიქეცი გოგო მორჩილს ჯორ-აქლემებს ურწყულებს გაიქეცი ნუ უჯერებ ნურც თვალებს და ნურც ყურებს გაიქეცი დარჩები და ვერ იწამლებ წამალით გაიქეცი დაღმართ-დაღმართ დაუყევი წა მალით გაიქეცი სწორედ ახლა შემოგვადგა მაგის დრო გაიქეცი უწიგნურო გაიქეცი მაგისტრო გაიქეცი დუღილსა და დოქისპირულ წვიმაში გაიქეცი ნუ დარჩები შენი თავის წინაშე გაიქეცი მიატოვე აშარი და კაპასი გაიქეცი ეგ ტერფები შემოირტყი კეფაზე გაიქეცი არ დაწერო ანდერძი და წერილი გაიქეცი გეხვეწები ასე ყელდაწელილი გაიქეცი ნუ გჭირდება მშობლიური საძვალე გაიქეცი არ წაიღო ერთი ხელი საცვალიც გაიქეცი გევედრები ჩემი თხოვნა ისმინე გაიქეცი ანტიგონე გაიქეცი ისმენე გაიქეცი ფრთიანო და გაიქეცი ოღრაშო გაიქეცი არ წაიღო კუნელი და ღოღნაშო გაიქეცი ახლა ვიღაც სადღაც გიცდის ვაგონთან გაიქეცი აქ დარჩენა რისთვის წამოგაგონდა გაიქეცი აქ არავინ გზას არ მოაიავებს გაიქეცი გაერიდე მეტიჩრებს და ქლიავებს გაიქეცი ტურა-მგელი არ მოიშლის ტურობას გაიქეცი გაექეცი პოლიტკორექტულობას გაიქეცი აგიტვირთეს ხორცაობის კადრები გაიქეცი სახტად დარჩეს სისაძაგლის მკადრები გაიქეცი იღებენ და გაიქეცი ისმენენ გაიქეცი ნუ აჰყვები აყროლებულ იზმენებს გაიქეცი ბუკ-ნაღარამ ჭკვა-გონება დაღალა გაიქეცი არ გაჩერდე აღარა და აღარა გაიქეცი რამეთუ და გაიქეცი ვითარცა გაიქეცი კერიიდან ცეცხლი გამოიტაცე გაიქეცი მიატოვე გვირგვინი და მუნდირი გაიქეცი ურჯუკო და გაიქეცი უნდილო გაიქეცი დააბნელე დარაბა და სარკმელი გაიქეცი განიმოსე სამოსი და სარქმელი გაიქეცი გაექეცი ავანსა და ჩავანსა გაიქეცი პირს ნუ ახლებ ბალღამსა და ჯავარსა გაიქეცი ყეყეჩო და გაიქეცი დებილო გაიქეცი ყვავს კაკალი სხვებმა გააგდებინონ გაიქეცი ჰავაიზე გაიქეცი კარიბზე გაიქეცი სანამ ჯორი დაგიტაკეს კარებზე გაიქეცი თორემ ბედი უმოწყალოდ იცინებს გაიქეცი უშენოდაც დაითვლიან წიწილებს გაიქეცი თვითმფრინავით გაიქეცი ხალიჩით გაიქეცი საელჩოთი გაიქეცი ჩალიჩით გაიქეცი ყაყაჩოთი გაიქეცი კანაფით გაიქეცი ლამს და ქვიშას შეერიე ქარაფით გაიქეცი მოიტოვე მოფუსფუსე შარდენი გაიქეცი სანამ შედეგს გამოიღებს შარდმდენი
შეგიძლიათ გააზიაროთ მასალა, თუ მიუთითებთ ავტორს.
0 კომენტარი