..რამოდენიმე არატრადიციული ჰაიკუ და ტანკა

***
შემოდგომაა,
მე კი დღეს მივხვდი,
რომ ის აპრილში გარდაიცვალა.

***
თურმე მთელ ქალაქს გაუთიშეს
ელექტროობა,
შენი ფანჯრიდან
მაინც ჩანდა მკვეთრი სინათლე.

***
გუშინ მთელ ქალაქს გაეთიშა
ელექტროობა,
ჩემი ფანჯრის წინ ლამპიონი
მაინც ბჟუტავდა.

***
შენს თავს გარდაცვლილს
ვერასდროს ნახავ,
ხოდა იხელთე დრო,
სანამ დაგრჩა.

***
მთვარეც კიაფობს,
ისე დაბნელდა
და კლდის ია ფლობს,
ბარსაც.

***
ხვალ შაბათია,
თან რა საშინელი,
უნდა ლოდინში ამომხდეს სული.

***
მე ვარ ყვავილი ხრეშში
და ყოველ ქარის დაქროლვაზე
მიწევს გავუძლო ქვების სიმძიმეს.

***
ძლიერი თქეში,
ძლიერი სეტყვა,
მაინც მონახა ბაყაყმა ბინა.

***
დიდი ხანია გაუჩერდა საათს ისარი,
მე მაინც ვუცვლი ელემენტებს,
იქნებ გაცოცხლდეს.

***
თოვლი
სხივმა კი არა
წვიმის წვეთმა
დაადნო.