ქვეყანა ჩემი

მეც მაქვს სათქმელი - ჩემი ქვეყანა,
ქვეყანა ჩემი თვალით ნანახი,
ქვეყანა კაცთა, ქვეყანა ქალთა,
ქვეყანა თურმე განძის სანახი,
ქვეყანა გმირთა, ქვეყანა ურჩთა,
ქვეყანა ჩემი, გადარჩენილი,
ქვეყანა ჩემი და არა თქვენი,
ქვეყანა ბევრით გამოჩენილი,
თქვენი ქვეყანა - მლიქვნელობთ ასე,
ქვეყანა მსმელთა, წამოსწევთ თასებს,
ქვეყანა ჭიქის, ქვეყანა ცხრომის,
ქვეყანა ტანჯვის, ქვეყანა ომის,
ქვეყანა ხანჯლის, ქვეყანა ყანწის,
ჩოხის, რომლითაც მავანი დაძრწის,
ქვეყანა ჩემი და არა თქვენი,
ქვეყანა ფლიდთა, ქვეყანა ცრუთა,
ქვეყანა კალმის, დადაღულ გულთა,
ქვეყანა ჩემი და არა თქვენი,
და მაინც შენი, და მაინც ჩვენი,
ქვეყანა ასე, ქვეყანა ისე,
ქვეყანა ჩვენი, დარჩება ისევ,
ქვეყანა თაღი, ქვეყანა ღობე,
ქვეყანა ქარგით, ყაიზნახებით,
ქვეყანა ჩვენი იქნება ისევ,
და ამ ყანაში დავიმარხებით.


5 იანვარი, 2023 წელი