შეგონება

მინდა სამშობლო გიყვარდეთ,
მისი წარსული იცოდეთ,
იყავით სუფთა, ნათელი
და სანთელივით იწვოდეთ.

ქართველს ჭკუა და გონება
ღმერთმა გვარგუნა ოდითგან,
ბოროტს უმტვრიეთ კარიბჭე
მხოლოდ ჭკუით და ცოდნითა.

გარშემო მტერთა სიმრავლე
თქვენ ნუღარ დაგაღონებთა
გახსოვდეთ პაპის ნათქვამი
„ხერხი სჯობია ღონესა“.

თქვენ ტოლ-სწორებთან ერთადა
დაიმეგობრეთ წიგნები,
იყავით გულით კეთილი
და უძლეველი იქნებით.