გული ფეთქავს

გული მწუხარე ფეთქავს მდუმარედ,
გული მდუმარე ფეთქავს მორცხვად,
თითქოს და აწუხებს — ვერ ხსნის ამ მარწუხებს,
რაღაც ადუმებს, რაღაც ხელს უშლის.

გული სიყვარულით ფეთქავს მხურვალედ,
გული მხურვალე ფეთქავს უმალვე,
თითქოს და დაფრინავს, ზეცას თვალს ავლებს —
უწინ ის წუხილი არც კი ანაღვლებს.

გული ბებერი ფეთქავს ბავშვივით,
გული ხომ არის უბერებელი —
ათას ჭირ-ვარამ გამოვლილს მუდამ ემახსოვრება განვლილი წლები,
და მაინც ერთი დავტიოთ გულში:
ერთით ფეთქავდეს მხოლოდ ეს გული.
და თუ კი გაჩნდება კითხვა იმ ერთზე —
სახელად ჰქვია მას სიყვარული.