წადი სულს უშველე ჩემო ანგელოზო

წადი სულს უშველე ჩემო ანგელოზო
თვალებს მოაშორე ცრემლი სინანულის,
ჩემი ბრალი არის მე რომ შემიყვარდი
ხო და წადი,სულს უშველე გევედრები.

ფიქრით დავიღალე,ჩუმად ვიწყებ ლოცვას
შენი თვალებია ჩემთვის ყველაფერი,
მაგრამ მეშინია,როცა ავიხედავ
ცას რომ არ ექნება შენი თვალის ფერი.

დიდი არაფერი,ჩემი თითებია
შენი თითები რომ ასე ენატრება,
ვწერ და ეს სიტყვებიც ცრემლებია
იმ თვალების შენ რომ ჩაგაბარა აღსარება.

წადი სულს უშველე ჩემო ანგელოზო
შენი თვალებია ჩემთვის ყველაფერი,
მაგრამ მეშინია,როცა ავიხედავ
ცას რომ არ ექნება შენი თვალის ფერი.

დემეტრე ზარქუა
კომენტარები (0)