** ** ** **


რას შვრებიო მეკითხება- როგორ ხარ?
მიჭირს მეთქი, ვეწამები - ვპასუხობ.
მხიარული ამბობს მეტად მომწონხარ,
გინდა ისევ ეგ ნიღაბი გაჩუქო?

მაგ ნიღაბ-ქვეშ ლამისაა გავრეკე,
მოვიშორე - აღარა მსურს მორგება,
-მითხარ ერთი, მაგ ნიღაბის გარეშე
- ვით აპირებ  შენ  მანდ რამის  მოგებას?

-თუ ღმერთი გწამს - დავიღალე ლოდინით, 
-ხომ იცი რომ არ მიმართლებს ამაში
-ერხელ მაინც გიჩუქნია კოზირი
  მთელი ჩემი არსებობის თამაშში? 

-ერთი ამას დამიხედეთ... აღშფოთდა, 
-მიმინდომა მსხვილი კარტი, ჯოკერი
-გგონია სხა  ყველას ტკბობა, გართობა
  არ აკლია და ცხოვრობენ მოლხენით? 

-დაგტყდომია თავზე ომის ქარცეცხლი? 
-გიგემია რწმენას როგორ მარხავენ? 
-გიცხოვრია მარტოობის კარცერში, 
  როს საყვარელ ადამიანს კარგავენ? 

-იქნებ კიდევ გავაგრძელო ჩამოთვლა? 
-გმადლობთ, მივხვდი-აღარა ვარ პატარა... 
-მაშ შეძელი ღრუბლებიდან ჩამოსვლა 
  და ტკივილის ღირსეულად ატანა!!!

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

© POETRY.GE 2013 - 2025

Facebook Telegram კონტაქტი