ერთფეროვნება

ედემის ბაღში გველმა კი არა
ერთფეროვნებამ დაბადა ცოდვა,
მერე ადგა და გამოიარა ასწლეულები
და ჩვენთან მოხვდა.
ვტრიალებთ დღესაც იმავე წრეზე,
შესაძლებლობა მუდამ გვეძლევა,
თუმც კარგიც ცუდად მოქმედებს ჩვენზე,
როცა ეს კარგი უკვე გვბერზრება.
ჰო, ასეთია კაცის ბუნება,
ერთფეროვნებას ვერ უძლებს დიდხანს
და ხშირად გვიწევს განადგურება
რას შევეჩვიეთ-რაც ძლიერ გვიყვარს.