„ჰოკინგის ჩურჩული“...

„ჰოკინგის ჩურჩული“
(სამყაროს ბოლო ამოსუნთქვა)
---
ის, რაც ერთი შეხედვით ქრება,
სინამდვილეში სხვა სივრცეს უთმობს ადგილს
და შავი ხვრელის პირას – არ არის სიჩუმე,
იქ გამოსხივებაა, ჩუმი და გამჭოლი –
„ჰოკინგის ჩურჩული“ - დიდი აორთქლება!
იქ აღარ არ არის ღელვა,
იქ აღარ არის დაცემული სინათლის ქროლა.
და დარჩა სუსტი დაღმავალი სიბნელე,
რომელიც ჟამთა ცვლით,
ცივ  უსახურ უფსკრულში ეფლობა.
და მაინც,  ცივი  „ჩურჩული“ –
აღარ ეკუთვნის შავ ხვრელს.
ის უკვე გზაშია,
კოსმოსის კიდისკენ მიმავალი,
სადაც  შუქიც კი ვერ წვდება.
დაბადებიდან სიკვდილამდე,
ნაწილაკები ტოვებენ კვალს —
და როცა ყველაფერი მთავრდება,
ნათება არ ქრება,
ის უსასრულოდ ვრცელდება
სივრცეში და დროის უცნაურ სვლასა და ველში....
და გაილევა მუდმივობაში.
„ჰოკინგის ჩურჩული“ –
უკანასკნელი სიმღერაა მატერიისა,
თუმცა ის უკვე აღარც კი არის მატერია.
- მერ'ფი-