ყოფნა?.. არ ყოფნა? ...

- ცხოვრებამ რწმენა დამაკარგვინა,
სულ რეალობად მექცა შიშები,
რამდენჯერ მითქვამს, 
ნეტა შემეძლოს.
რომ ასეთ ყოფას გავეთიშები!
- გაეთიშები და მერე ამით
რა მოაკლდება 
ცოდვილ სამყაროს?
შენს ნაცვლად ღმერთთან
კავშირი სწორი.
ვინ დაამყაროს?.. 
ვინ გაამყაროს?..
კითხვა ბევრია,
პასუხი ერთი,
ჩვენ სამყაროდან გავაქრეთ ღმერთი!
.........................
თუ სულში აღარ არის უფალი.
ვის რაში არგებ თავისუფალი?!
..........................
P.S.   თუ აღარც სიყვარულია,
      აღარც რწმენა და იმედი,
      ცხოვრება ჯოჯოხეთია
     მე ამ დასკვნამდე მივედი ! 
                                 -მერ'ფი-

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი