ნიკო და მსოფლიოს ყველაზე საშიში სოკო 🍄🦶

ნიკოს ფეხზე სოკო გაუჩნდა. ისეთი სოკო, რომ როგორც კი ფეხსაცმელს გაიხდიდა, მთელი უბანი საგანგებო მდგომარეობას აცხადებდა!

— ხალხო, ნიკო მოდის! — ყვიროდა ერთი.

— ფანჯრები დახურეთ! გაზის ნიღბები მოიმარჯვეთ! — პასუხობდა მეორე.

ერთ დღეს ნიკო აფთიაქში შევიდა.

— რა გაწუხებთ? — ჰკითხა ფარმაცევტმა.

— ფეხზე სოკო მაქვს.

ფარმაცევტმა შეხედა, თეთრი დროშა გადმოიღო და თქვა:

— ბატონო, ეს აფთიაქია და არა გაერო! აქ ასეთ საერთაშორისო კონფლიქტებს არ ვაგვარებთ!

მეორე დღეს სოკომ ნიკოს ფეხზე პატარა აბრა დადგა:

აქ სოკოს დამოუკიდებელი რესპუბლიკაა. ნიკო მხოლოდ მოიჯარეა!

ნიკო ექიმთან წავიდა. ექიმმა ფეხზე შეხედა, სათვალე მოიხსნა და უთხრა:

— ნიკო, შენ სოკო კი არ გაქვს… შენს ფეხზე ახალი სიცოცხლის ფორმა აღმოვაჩინეთ!

იმ დღიდან ნიკოს ფეხი მსოფლიო რუკაზე შეიტანეს, ტურისტები ბილეთებს ყიდულობდნენ, ხოლო სოკო გაეროს წევრობაზე განაცხადს ავსებდა.

და ნიკო?

ნიკო ისევ წინდებით დადიოდა…

იმიტომ კი არა, რომ სციოდა — სოკოსთვის საზღვრის გადაკეტვა უნდოდა!

მიხეილ ჭიჭინაძე (მიქაელი)
2025