შენით იტენება მაუზერი

ცოტაც მოითმინე, გაუძელი,
გრძნობამ დაუთქმელმა გიკრა.
შენით იტენება მაუზერი
და გულს სამუდამოდ მიკლავს.

მგონია, ღმერთებიც უარმყოფენ —
ეს გზაც, ჩახმახიც და თოფიც.
შენს გვერდით, სიცოცხლევ, ნუ მამყოფებ,
არყოფნა სიცოცხლეს ყოფნის.

სიცილი იცი, რა ბევრია?
სიყვარულს მოჰყვა — იცისკრა.
ტრფიალით მოსული ნაღველია,
რაც ვერ მოვკალი, ისიც მკლავს.

ცოტაც მოითმინე, გაუძელი,
გრძნობამ დაუთქმელმა გიკრა.
შენით იტენება მაუზერი
და გულს სამუდამოდ მიკლავს.

მიხეილ ჭიჭინაძე (მიქაელი)
2011 წ.