ვატიკანის ქვეშ დაბმული ეშმაკი

ვატიკანს სძინავს - ჯვრები დგანან,
ქვემოთ კი კედლები კვნესიან;
სამოთხეს ზემოდან ლოცვები სწყურია,
ჯოჯოხეთს - ბორკილები ებრძვიან.

ქვის ქვეშ, სადაც სანთელი ვერ აღწევს,
ეშმაკი ძველ ჯაჭვებს ღრღნის;
ის ღმერთს არ ევედრება -
ღმერთის სახელით მოსულ სიჩუმეს გმობს.

- გამიშვი...

და მიწა იძვრის.

კარდინალებს ხელები უკანკალებთ,
ზარები თვითონ იწყებენ რეკვას;
რადგან ზოგჯერ ჯვარი არაა ხსნა -
ზოგჯერ ის კარია,
რომელსაც შიგნიდან ეშმაკი კეტავს.

ვატიკანს სძინავს.

ქვემოთ კი -
ვიღაც ღმერთს ელოდება.

და ჯაჭვების ჟღარუნში
პირველად ისმის კითხვა:

თუ ეშმაკი დაბმულია -
ვინ დგას მის მცველად?


ავტორი: მიხეილ ჭიჭინაძე ( მიქაელი )
2023 წ