მიახლოებით ადამიანი
ლექსს მოვაშორებ ვალდებულებას, მიზანს წავართმევ ყველა მიზნიანს. უწერტილობის ვარ — დებულება, და ვამბობ: ღმერთო — დადაიზმია! ფეხი დავკარგე გუშინ — კვირიდან და სხვის ჯიბეში ვნახე სამშაბათს — არ დავაბრუნე, მას უკეთ ერგო. კარს გავატანე ძაფი კბილიდან. სიტყვა ვიპოვე გზაზე ამჯერად, იქ, სადაც ფუტკარს ლექსის სკა მიაქვს. ლექსი სკამზე ზის და სკამს არ ჯერა — არ ჯერა ის, რომ თურმე სკამია. ავტორი: მიხეილ ჭიჭინაძე (მიქაელი) 2026
შეგიძლიათ გააზიაროთ მასალა, თუ მიუთითებთ ავტორს.
0 კომენტარი