აქ ვიყავი — და ისიც აქ იყო

ღმერთს ჩემი ლექსი ისევ არ მოსწონს —

ღამე კვლავ შავად იწერს შენიშვნებს.
ღამეს სურს, ბევრჯერ გადამამოწმოს,
სანამ სიღრმეში ჩუმად შემიშვებს.

სიკვდილი კარგი რედაქტორია,
მტბორავს უწყვეტი, მტბორავს წყვეტილი.
და ვხვდები — ლექსი კი არ მტოვებდა,
ვხდებოდი მისი ბოლო წერტილი.

და თუ ღმერთი კვლავ სადმე გადაშლის
პოეტის სისხლით დაწერილ სტრიქონს,
მე მის ცარიელ ადგილას დავწერ:
აქ ვიყავი — და ისიც აქ იყო!

ავტორი: მიხეილ ჭიჭინაძე ( მიქაელი )
2026