დადაიზმი

აქ საკუთარ კუდს კოსმოსი კენკავს,
ღმერთო, ვერასდროს ვერ მოგასვენებ!
ის დროა, აზრმა დაიწყოს ცეკვა
და შენ გესროლოს ბოლო სასვენი!

ქაოსმა შობა ცის რვაფეხა მზე,
პირველქმნილმა ხმამ მეორეც დადო.
შენ, ჩემო თავო, ლექსი დალიე
და დაივიწყე, ვინა ხარ, დადო!

მე მქვია დადა, მამაჩემს — ცარა,
სიზუსტის გვამზე ლექსი ჭრილია.
ღმერთმა ჩაყლაპა შვიდივე ცვარი —
ენა უკუღმა დაღეჭილია!

მიხეილ ჭიჭინაძე (მიქაელი)
2026