მედუზების ბიბლიოთეკა

მედუზები ცურავენ -
ზღვა ფურცლებს შლის.

ყოველი ტალღა - წიგნია,
ყოველი ჩაძირვა - კითხვა.

მე ვკითხე ზღვას:

- რა დარჩება, როცა ყველაფერი დასრულდება?

ზღვამ არ მიპასუხა.

მედუზებმა სინათლე ჩააქრეს.

და სიბნელეში პირველად დავინახე:

ადამიანის ნამდვილი კვალი
ის არ არის, რაც სამყაროს დაუტოვა -
არამედ ის,
რაც სხვის გულში აღარ წაშლილა.

იმ ღამეს ბიბლიოთეკა ჩაიკეტა.

წიგნები დარჩნენ.
მკითხველები - არა.


ავტორი: მიხეილ ჭიჭინაძე ( მიქაელი )
2021 წ.