სხვა ქალი

სხვა ქალი

(იუმორისტული)

 ,,ცხოვრება უნდა იყოს აწყობილი"-...
ქმარი მარიგებდა აწ ყოფილი - 

,,ცივ-ცივი ღვინო, 
საღიღინო
 და მზად მაცივარში - 
ხინკლის ფარში.

სუფრა - ხელდახელ გაწყობილი.
არ აკლდეს შემწვარი და დაცხობილი!

იყავ ბედნიერი! გაგასაღე,
დაგატოვებინე სატუსაღე."

მიკვირდა, ,,ეს - რანაირია!''
მერე ერთიანად აირია.

მერე რაც იყო, ზღაპარია.
ნამყოს - შავი მიწა აფარია.

გავიგე, ცხოვრება რაც ყოფილა,
ვნება და ნება როგორც დაყოფილა,
სახმარად ვარგა დაწყობილი,
სხვა ქალად ვარ გადაწყობილი,

რაღამ გამახსენა აწ ყოფილი!