თბილისური ნიუსები

ჩემი მხიარული რითმებიდან

თბილისური ინტერნეტ-ნიუსები
 - - - - - - - - - - - - - - - - - - - - - - - - - -
***
მერმა თქვა:-  ჩემო თბილისო, 
მე შენთვის დავიღლებიო,
უნდა დაგირგო ხეები, 
პირდაპირ ტანმაღლებიო.

თბილისს ყვავილით მოფარჩავს,
გვპირდება ეს ნარმანია.
ნეტა სადამდე გაქაჩავს
ხე- და ყვავილ-ნარ-მანია.

.
***
(ავან)ტურისტული
 - - - - - - - - - - - 

ცხვრებო, გაჭირდა უფრო ცხოვრება -
 ლარი ეცემა, პულსი გვეცემა...
არ სჯობს ამდენჯერ გამათხოვრებას,
კურსის დამცემი ერთხელ გვეცემა?

***
გაჯეტების გამო
 - - - - - - - - - - - - - - 

აი-პედ, აი-ფონები, 
ლეპტოპი, ყველა ,,გაჯეტი"
აქვთ და ხარობენ მონები,
გაბრწყინდა მთელი ქაჯეთი!

***
,,კახურს კლანზედ"
  - - - - - - - - - - - - - - - 

,,კუკლუქს კლანად'' ვინც დაგსახა,
ლამის არის, გაგასაღა.
დაიჩივლო უნდა რაღა,
თუ ბატონად გიზის აღა.

შეგახურონ, ჩაგცხონ ურო,
სურთ, თავის მარცხს დაგაკლანო.
გეყო, აღარ გაახურო,
შე კახურო, თანაც ,,კლანო"!