სააღდგომო - შექსპირული სონეტი

#ლექსები

ნინო დარბაისელი

სააღდგომო
(შექსპირული სონეტი abab cdcd efef gg)


მწყურია, მშია,
მაქვს სიცოცხლის პარამეტრები.
რა დროს შიშია,
თუნდ მომდევდეს ფარა მე მტრების!

თავსაც ვინაზებ,
ვითომ შიშმა გადამირბინა.
დავალ მიწაზე,
მიწის ქვემოთ - სხვას! - რა და, ბინა!

მაინც, მოარულს
მიწის ზემოთ - ცოცხალი მქვია,
გზას ვედგე ფარულს,
გინდ მივდევდე ნაპირებს ქვიანს.

რად გეტანებით -
- ჩვენ - სიკვდილის გადამტანები?